તમે નાહ્યા છો કે નહિ ?????


કાલે રવિવાર હતો એટલે જો બહાર ના જવાનું હોય તો મારે દૂરદર્શન ગીરનાર પર એક કાર્યક્રમ ચોક્કસ જોવાનો ..” ગમ્મત ગુલાલ “..કાલે પણ જોયો ..અને આજનો મારો આ લેખ કાલે રજુ થયેલા કલાકાર સુશ્રી અવનીબેન વ્યાસને સમર્પિત છે ..એમના કીધેલા જોક પર મને મળી ગયેલો લેખ છે ….
આપણી એક પુરાણ કથામાં એવો ઉલ્લેખ છે કે જયારે પૃથ્વી પર ભગવાને માણસ બનાવ્યો ત્યારે શિવજીએ એમના નંદીને એક સંદેશો પૃથ્વી પર માણસ પાસે લઇ જવા કહ્યો : એક વાર ખાય અને ત્રણ વાર નહાય ..( એટલે તો પૃથ્વી પર ત્રણ ભાગ પાણી અને એક ભાગ જમીન છે .) હવે નંદી કોઈ અકસ્માતે ઠોકર ખાઈ ગયો અને સંદેશ ઉલટ સુલટ થઇ ગયો એટલે એણે એવું કહ્યું કે : માણસ એક વાર નહાય અને ત્રણ વાર ખાય …આજે પણ આપણે એવું જ જીવીએ છીએ ….કૃપા નંદી ભગવાનની …પણ …પણ …
જો સંદેશો બરાબર પહોંચ્યો હોત અને આપણે ખરેખર એક વાર ખાતા હોત અને ત્રણ વાર નહાતા હોત તો !!!!!!
પરિસ્થિતિકો મદ્દેનજર રખતે એ સબ હોને કી પ્રબલ સંભાવના હોતી :
= બજારમાં બહાર જમવાને બદલે નહાવા જતા હોત ..અને હોટલમાં લારીઓ પર ખાવાને નહાવાની સગવડ હોત ..મોટા મોટા પીપડા …આમાંથી હાથ મો પગ ધોવાય , આમાંથી ફુવારા છૂટે , આમાંથી ખાલી મોં ધોવાનું …આમાંથી પીવાનું ( પાણી જ હોં )…એમાં પણ લીલા લાલ પીળા રંગની વિવિધતા આપવામાં આવશે …
= આપણે ઘેર મહેમાન આવે તો આપણે ભારતીયો અતિથી દેવો ભવમાં માનીએ એટલે એમને જમવાનો અવશ્ય આગ્રહ કરીએ ..એને બદલે નહાવાનો આગ્રહ કરત ..ના ના તમારે અમારે ત્યાંથી નહાયા વગર જવાય ?? પેલા કહે કે ના ,હું ઘેર થી નહાઈને જ નીકળ્યો છું ..તો પછી આપણે કહેત : ના એમ જ તો સાવ ના ચાલે ..ચાલો હાથ મો ધોઈને જ જાવ …
=લગ્ન કે શુભ કે અશુભ પ્રસંગે જમણવારને બદલે નહાવણવાર હોત …પ્રીતિ નહાવણ નો સમય અલગથી છપાત …વેવાઈ પોતાના વેવાઈ અને બીજા સૌ મહેમાનોને પોતાને હાથે સુગંધી સાબુનું વિતરણ કરત …દાયજામાં કપડાને બદલે ટુવાલો અને નેપકીનોની ખપત વધારે હોત ….જરી ભરેલા બોર્ડર અને ટુવાલો છોકરીને મળત ….અને ખુબ શ્રીમંત લોકો બાથ ટબ માં અવનવા લોશન અને શેમ્પુ સાથેનું નહાવણ આપત …ક્યારેક ખાવાનું ખૂટી જાય એમ લોકો બુમ પણ પાડત કે ગરમ પાણી ખૂટી ગયું ..અને બૈરાઓ બુમ પાડત કે અમારો વારો આવ્યો ત્યારે સાબુ તો સાવ ઘસી ઘસાઈ ગયેલો અને શેમ્પુ નો બાટલો પણ ખલાસ હતો ..આપણે ઘરેણા અને બીજા કપડા સાથે સ્વીમીંગ કોશ્ચ્યુમ પણ લઇ જવો પડત…અને લગ્ન સમારંભો પાર્ટી પ્લોટ ને બદલે સ્વીમીંગ પૂલમાં યોજાતા હોત …ગામ બહાર ફાર્મ હાઉસને બદલે સ્વીમીગ પુલોની કતાર હોત …શ્રીમંતો તો બીચ પર જ આ લગ્ન યોજતા હોત ..અને ક્રુઝ અને વોટર સ્કુટર રાઈડ કરાવતા હોત …
= ઘર બનાવતી વખતે બાથરૂમની જગ્યા રસોડાએ લીધી હોત અને રસોડાની બાથરૂમે લીધી હોત …..
=…પેલા રસોઈ શો વાળા લોકો નહાવાના પ્રકારો વિષે વાતો કરતા હોત …ઘસી ઘસીને નહાવાનું , નહાવાના ક્રીમો ,સાબુઓ ,શેમ્પુઓ , ખંખોળિયું ખાવાનું ,માત્ર હાથપગ ધોવાના , ડ્રાય ક્લીન થવાનું , અરોમા બાથ ,શાવર બાથ ,નહાવા પછીના લોશનોની કંપનીઓ ટોપ ૫૦માં ફોર્બ્સની યાદીમાં આવતી હોત ….સોના બાથ ,સ્ટીમ બાથ વગેરે દરેક ઘરમાં હોત …અનાજના કોઠાર અને તેલના મોંઘા ડબ્બા ,શાકભાજી અને દુધના મોંઘા ભાવ ,ખાવાની મોંઘવારી વિષે છાપામાં લેશ માત્ર સમાચાર ના હોત …અથવા બહુ ઓછા આવત ..દરેક લોકો તરતા અવશ્ય શીખ્યા હોત અને તેથી ડૂબીને મરણ પામવાનો પ્રશ્ન ખુબ ઓછો હોત …
=ઓફીસ માં લંચ બ્રેક ને બદલે બાથ બ્રેક મળતો હોત …લોકો બાથરૂમ સિંગર ને બદલે કિચન સિંગર કહેવાતા હોત …..
=અને એક જ વાર ખાતા લોકો ખાવાને લીધે થતા તમામ રોગોથી મુક્ત હોત ..ઝીરો ફિગર ,ડાયેટિંગ , સ્લીમ ટ્રીમ જેવા શબ્દો આપણે સાંભળ્યા પણ ના હોત …હાર્ટ પેશન્ટ ,ડાયાબીટીસ વગેરે પણ ઓછા થાત …( બિચારા ડોકટરો ભૂખે મરત કેમકે મોટા ભાગની બીમારીઓ ખાવાને લીધે જ તો થતી હોય છે )…….
બીજા કઈ વિચાર તમને આવે છે કે ??? ચાલો હવે યાદ કરો : આજે તમે નાહ્યા છો કે નહિ ?????

Advertisements

6 thoughts on “તમે નાહ્યા છો કે નહિ ?????

  1. બે-ત્રણ મુદ્દા વધુ –
    એક સીએમની ટીવી એડ પરની કોમેન્ટ હતી કે ટીવી એડ જોઈને લાગે છે કે આપણો દેશ કૃષિપ્રધાન નહીં પણ ‘સાબુપ્રધાન’ દેશ છે.. આવા ઉચ્ચારણ નો પ્રશ્ન ઉભો થાત નહીં.
    દરીયાના પાણીને મીઠુ બનાવવાના સંશોધનોને બદલે સીધુ જ ઉપયોગમાં લઈ શકાય તેવા સંશોધનો થતા હોત !

    Like

  2. પ્રીતીબેન,
    આ જરા અમથી વાત નથી. આજે કોઈ બનાવી જાય તો કહે “નવડાવી ગયો”. તમે તો બધાને નવડાવી કાઢ્યા.(મશ્કરી કરુંછું). રજાને દિવસે પત્ની કાયમ બબડતી હોય છે જલ્દીથી નહાઈ ધોઈ લો, અમારે બીજા ઘણા કામો કરવાના હોય છે. ત્રણવાર નાહવાની નોબત આવે તો પુરુષોનું તો આવી જ બન્યું. ત્રણવારમાં તો એકવાર બ્રશ કરવાનું બીજીવાર સંડાસ જવાનું અને ત્રીજીવાર દાઢી કરવાની એમ બાથરૂમમાં પણ ગીર્દી ઓછી કરવા સ્ટેગરીંગ કરવું પડે. આ મોઘવારીમાં ડીઓડરન્ટનો ખર્ચો વધી જશે. બધા કરતાં વધારે સમય બાથરૂમમાં સ્ત્રીઓ ગુજારે છે તો “ઔંરત લોગ તુમ્હારા ક્યાં હોગા?”.
    વિપુલ એમ દેસાઈ
    http://suratiundhiyu.wordpress.com/

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s