About


હું પ્રીતિ ….બસ જીવનની કેટલીક એવી પળો જેને આપણે શબ્દોમાં સમજી સમજાવી નથી શકતા એ વાતને શબ્દોમાં ગૂંથવાનો આલેખવાનો પ્રયત્ન એટલે આ મારું નવું સરનામું….
હું પ્રીતિ ..વડોદરા શહેરની રહેવાસી ..અઢી વર્ષની ઉંમરથી બસ અહીં જ વસી ગયી ..વડોદરાની ગલી ગલીમાં મારા પગલા અને વડોદરાની ગલી ગલી સાથે મારી ઓળખાણ ..કળા નગરીના નામે ઓળખાય ….નાનપણથી પ્રકૃતિ સાથે ઓળખાણ અને એની પાસે રહેવું વધારે ગમે ..કોમર્સમાં પોસ્ટ ગ્રેજ્યુએશન મેનેજમેન્ટ વિષય સાથે છતાય નાનપણ થી ચોપડી ,પુસ્તક ,વર્તમાનપત્રની કોલમો સાથે વધારે આત્મીયતા ..હર હમેશ કશા નાવીન્ય ની ખોજ જેટલી જીવનમાં એટલું જ જગતમાં ..મારી અંદરનું બાળક હજીય એટલું જ જીવંત છે ..જે મન થાય એ કરી લેવું ..દુનિયા જુવે છે એ ડરે ઈચ્છાને કાયમ દબાવ્યા કરવાની વૃત્તિ ન ગમે ..પૈસો જીવનમાં જરૂરી છે તોય જીવન પૈસા થી ઘણું વધારે છે …સંબંધો બદલાતા રહે પણ માણસ મૂળે તો અંદરથી ક્યારેય બદલાય નહીં ……. મૃત્યુ જેવા એક સનાતન સત્ય થી ડરીને જીવવું એ સમીકરણમાં વિશ્વાસ નથી ..કોઈ સાથે વૈચારિક મતભેદ થાય તો મનભેદ તો ના જ થાય એ માન્યતા સાથે જીવવું ગમે ..મારા જીવનમાં મેં જે પણ કઈ અનુભવ્યું છે એનું નિરૂપણ મારા દ્રષ્ટિકોણને અનુરૂપ કર્યું છે ….દરેક વ્યક્તિનું જીવન એક પુસ્તક છે અને એની સાથે જીવાતી ક્ષણો ,છુપાયેલી ક્ષણો બધું જ એના પાના …લખવું અને વાંચવું એ મારા મનનો ખોરાક છે …..માણસ ક્યારેય મૂળભૂત રીતે ખરાબ નથી હોતો પણ એના સંજોગોને અધીન રહી એ જેવો છે એવો રહી નથી શકતો ..જે સંજોગોનો સામનો કરીને સિદ્ધાંતો સાથે જીવે એને જીવન બોજ ના લાગે અને સંજોગો સામે સિધ્ધાંત વિરુદ્ધ સમાધાન કરીને વ્યક્તિ એકાંતના અરીસામાં જાત સાથે નજર મેળવી નથી શકતો …ભગવાનમાં અખૂટ શ્રદ્ધા છે પણ એને મંદિરોમાં નથી શોધ્યા ..પૃથ્વી પર વસતા એના દરેક જીવ પ્રતિનિધિ માં શોધ છે મારી ….બસ આવી જ છું હું …મારી વિચારો ની દુનિયા સાથે દુન્યવી રીતભાતનો સાયુજ્ય નો પ્રયત્ન કરતા અનુભવોનું ભાથું બાંધતી અને કાગળ પર કલમ વડે પીરસતી ..હું પ્રીતિ ..

કેલેન્ડરના પાના ફાટતા ફાટતા ડટ્ટો બદલાઈ જાય એવી ઘટના …..

એને રીજોલ્યુંશનમાં બાંધવું નથી ..આમ પણ હું તોડવા માટે નિયમ બનાવવામાં પાવરધી છું ….આજ સુધી મેં ક્યારેય મારા માટે કશું લખ્યું હશે કે નહીં એ પણ ખબર નથી ..ત્રુટક ત્રુટક ક્યાંક ક્યાંક ઉલ્લેખ કર્યો છે …
 જીવન એટલે વિરોધાભાસ થી ભરપુર ……..એટલે બહુ મજાનું લાગે …સ્કુલમાં બધું ગમે પણ ચિત્રમાં પેન્સિલથી સરસ રામ બનાવ્યા હોય અને વોટર કલર પૂરું એટલે રાવણ જેવા દેખાય ….વિજ્ઞાન ગમે પણ ગણિત સાથે વેર ….બીજગણિત આવડે પણ ભૂમિતિના પ્રમેય ઉફ્ફ …માથાના દુખાવા લાગ્યા …ભૌતિક વિજ્ઞાન સરસ અને જીવવિજ્ઞાન પણ રસીલું લાગે પણ રસાયણિક વિજ્ઞાન સાથે જન્મોનું વેર …આ બધા માંથી છૂટવા અંક ગણિત લીધું તો તોફાનમાં ફસાયેલી નાવડીની જેમ દસમાં ધોરણનો સમુદ્ર તર્યો …પછી ડોક્ટર બનવાના સપના પણ ના જોયા કેમકે નાનપણમાં બહુ બીમાર રહેતી એટલે હવે સમજી જાવ …..કોમર્સ લીધું …..બારમાં ધોરણમાં શહેરમાં ત્રીજો નંબર આવેલો પણ કોલેજના પહેલા ટેસ્ટમાં એકાઉન્ટ માં નાપાસ ….અને માસ પ્રમોશનની કૃપાએ બીજા વર્ષમાં ગયા …એટલે પર્સોનેલ મેનેજમેન્ટ સાથે ગ્રેજ્યુએટ કર્યું અને એમ બી એ કરવાનું સપનું દફનાવી દેવું પડ્યું …એટલે એમ કોમ ….માત્ર પંદર દિવસ બી એડ કોલેજમાં એડમીશન લીધું અને લાગ્યું આ આપણું કામ નહીં …બે વર્ષ પછી નોકરી મળી ..ઇન્સ્યુરન્સ કંપનીમાં ….તરત લગ્ન પણ થયા …નોકરી અને લગ્નનો પ્રોબેશન પીરીયડ સાથે જ ચાલ્યો …..પંદર વર્ષની નોકરી પછી વી આર એસ લઇ લીધું અને ગૃહિણી બનીને મલ્ટી ટાસ્કિંગ કરું છું …..મજાની વાત તો એ છે કે ભણવામાં એકાઉન્ટ છોડેલું પણ નોકરીમાં પંદર માંથી તેર વર્ષ એકાઉન્ટ ડીપાર્ટ મેન્ટ માં કાઢ્યા ……..અને એમાં મને બધા માસ્ટર માનતા …….મંદિર માં નથી જતી પણ ભગવાનમાં પૂર્ણ શ્રદ્ધા છે …..તમને પણ ક્યારેક લાગતું હશે ક્યારેક ખુબ હસાવી જાય કે ક્યારેક ખુબ ગંભીર અને ઊંડાણ વાળા બ્લોગ પોસ્ટ નહીં !!!!!!!
દરેક સંજોગ સાથે મુકાલાતો હા મુક્કા અને લાતો ખાઈને ઘડી ત્યારે લાગ્યું કે જીવન એ બધા થી ઉપર છે ….બીજાના અનુભવો પરથી ઘણું બધું શીખી …જયારે સફળતાનો અર્થ ખબર નહોતો ત્યારે ખુબ સફળતા મળી ચુકી છે ….જેનો મર્મ આજે સમજાય છે …નાનપણથી એકલા એકલા રહીને ઘડાવું પડ્યું છે ….એટલે મન થી ખુબ મજબૂત રહી શકી છું ….સમસ્યા આવે તો ગભરાવા કરતા એનો સાચો કે ખોટો પણ ઉકેલ વિષે વિચારવું એ સંજોગો શીખવાડતા ગયા ….
મન ભરીને બાળપણ અને વિદ્યા કાલ સફળતા થી માણ્યો છે ..,,,,,,સમય કરતા આગળ વિચાર હતા એટલે થોડી તકલીફ અવશ્ય પડી ……ગૃહસ્થાશ્રમ પણ ખુશીથી જીવ્યો ….અને નોકરી છોડ્યા પછી મારી જિંદગી વધારે કલરફૂલ થઇ ……
મને જીવનની સચ્ચાઈમાં પૂર્ણ તમ શ્રદ્ધા છે …. 
કેટલા કેલેન્ડર જોયા બદલાતા પણ હજીય
 હું અને સમય કદમ થી કદમ મિલાવતા ચાલ્યા કરીએ છીએ …
ક્યારેક એ મારા માટે રોકાઈ જાય છે ,
ક્યારેક મારે પણ એના આગમનની પ્રતીક્ષા કરવી પડે છે ….
એક એક તાંતણા કરીને જીવનનું પોત વણાતું જાય છે ,
બસ એના પર અહી થોડી કરચલીઓ પડતી જાય છે …..
એનું નામ અનુભવો છે ……
Advertisements

17 thoughts on “About

  1. ગુજરાતી સામયિકોનું ડિજિટાઇઝેશન [ by Web Gurjari ] પરથી અહીં પહોંચાયું.

    સાદું સરળ સાહિત્ય .. અ‍ને વાતચીત-બોલચાલ ની ભાશા(?-)માં રજુઆતની સ્ટાઈલ ગમી .ખૂલ્લું મન અને હ્રદય,એક પોતીકાપણાના ભાવ લાગે/જાગે . ” શેરિંગ”નો આનંદ ! ખાસ એક વાત નોંધીશ, ભાશા-શુદ્ધિ,વ્યાકરણ , જોડ્ણીની ભૂલો જે સામાન્યત: લગભગ મહદ અંશે જોવા મળે છે તે અહીં નથી,એટાલે વિશેશ(?) આનંદ.
    જોગાનુજોગ પોપટી કલરનું બેક ગ્રાઉંડ,મારો અતિપ્રિય રંગ! સેહત બાગ બાગ થૈ ગઈ [ એબાઉટ.મી”] પર જોઇ લેશો. આભાર અને અભિનંદન જાજેરા ….

    [નાનપણથી પ્રકૃતિ સાથે ઓળખાણ,.નાનપણ થી ચોપડી ,પુસ્તક ,વર્તમાનપત્રની કોલમો સાથે વધારે આત્મીયતા ,
    નાવીન્ય ની ખોજ ,મારી અંદરનું બાળક હજીય એટલું જ જીવંત છે ..જે મન થાય એ કરી લેવું ,દરેક વ્યક્તિનું જીવન એક પુસ્તક છે અને એની સાથે જીવાતી ક્ષણો ,છુપાયેલી ક્ષણો બધું જ એના પાના …લખવું અને વાંચવું એ મારા મનનો ખોરાક છે …..માણસ ક્યારેય મૂળભૂત રીતે ખરાબ નથી હોતો પણ એના સંજોગોને અધીન રહી એ જેવો છે એવો રહી નથી શકતો ..જે સંજોગોનો સામનો કરીને સિદ્ધાંતો સાથે જીવે એને જીવન બોજ ના લાગે અને સંજોગો સામે સિધ્ધાંત વિરુદ્ધ સમાધાન કરીને વ્યક્તિ એકાંતના અરીસામાં જાત સાથે નજર મેળવી નથી શકતો …ભગવાનમાં અખૂટ શ્રદ્ધા છે પણ એને મંદિરોમાં નથી શોધ્યા ……..બસ આવી જ છું હું ……..] આ તો કુદરતી દેનના ચિહ્નો-લક્શ્ણો (?)….એક સર્જકતા/ ‘ક્રિએટવિટી’ની ધોતક-પ્રતીક્શી વાત !

    મારા વતન ‘ કચ્છ માંડવીના ડોક્ટર, લેખક ,ચિત્રકાર,રાજ કારણી,સમાજ્સેવાધારી એમ બહુ આયામી વ્યક્તિત્વ પર
    શ્રી માણેક્લાલ પટેલ અને નીપાબેન ઠક્કર દ્વારા સમ્પાદિત ” મરુભૂમિનં મેઘ ધનુશ ” ડો.જયંત ખત્રી ” પુસ્તક્નું ફેર-વાંચન ચાલુ હતું, અને તમારા બ્લોગ્ની મુલાકાત ! આ પુસ્તક ન વાંચ્યું હોય તો જરુર વાંચશો .જોકે તમે પરિચિત તો હશો જ …કચ્છ્ના વીનેશ એ મોરારી બાપુના ” અસ્મિતા પર્વ-૧૨”માં એમના વિશે ૪૫-૫૦ મિનિટ્સનું સરસ
    પ્રવચન આપેલું ,કદાચ સામ્ભળ્યું જ હશે .

    ” ચેઈઝ કમ્ટીન્યુઝ”-‘CHASE CONTINUES’- જોઇયે ને? ચેક કરી /કરાવી સુધારી લેશોજી.
    લા’ કાંત t / 9.7.14

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s